საქართველოს პრეზიდენტი ქაბულში განხორციელებულ ტერაქტებს სოციალურ ქსელში ეხმაურება.
"მკაცრად ვგმობ ქაბულში მომხდარ ტერაქტს და მწუხარებას გამოვთქვამ ავღანელი სამოქალაქო პირებისა და აშშ-ს სამხედროების დაღუპვის გამო.
ევაკუაციის პროცესი მშვიდობიანად უნდა წარიმართოს. საქართველო გააგრძელებს მხარდაჭერას მათ მიმართ, ვინც ევაკუაციის პროცესს ახორციელებს და ძალადობის წინააღმდეგ სოლიდარობას გამოხატავს", - წერს სალომე ზურაბიშვილი.
ქაბულის ჰამიდ კარზაის საერთაშორისო აეროპორტთან მომხდარი ტერაქტის შედეგად დაღუპულთა რიცხვი 90-მდე გაიზარდა. მომხდარს 12 ამერიკელი სამხედრო ემსხვერპლა. დაშავდა 160-მდე ადამიანი.
