„მოსახლეობის ყოველდღიური და ყოფითი გამოწვევების დაძლევა და მათთვის კომფორტული საცხოვრებელი გარემოს უზრუნველყოფა, როგორც პირადად ჩემთვის, ასევე, კახა კალაძის მთელი გუნდისთვის ერთ-ერთი უმთავრესი პრიორიტეტია“, – აღნიშნულთან დაკავშირებით „ქართული ოცნების“ თბილისის საკრებულოს მთაწმინდის რაიონის მაჟორიტარი დეპუტატობის კანდიდატმა ზურაბ აბაშიძემ მოსახლეობასთან შეხვედრისას განაცხადა.
ზურაბ აბაშიძე წინასაარჩევნო კამპანიის ფარგლებში ამჯერად ქიაჩელის ქუჩის მცხოვრებლებს შეხვდა, ვერის ბაღში ადგილობრივ მოსახლეობას პირადად გაესაუბრა და მათ ინდივიდუალურ საჭიროებებს გაეცნო.
მაჟორიტარობის კანდიდატმა მადლობა გადაუხადა ვერის უბნის მცხოვრებლებს, გართულებული ეპიდვითარების მიუხედავად, შეხვედრაში მონაწილეობისა და საკუთარი მოსაზრებების გაზიარებისთვის. როგორც მან აღნიშნა, რაიონში არსებული ვითარების გაუმჯობესების მიზნით, სამომავლო პროექტების დაგეგმვის პროცესში მაქსიმალურად გაითვალისწინებს ადგილობრივი მცხოვრებლების ხედვებსა და ინიციატივებს.
მოსახლეობასთან შეხვედრას მთაწმინდის რაიონის გამგებელი დავით კირკიტაძე და საკრებულოს თავმჯდომარის პირველ მოადგილე გიგა ახვლედიანი ესწრებოდნენ.
