გლდანში ოპოზიციის საერთო კანდიდატი პარტია "დროას" ლიდერი ელენე ხოშტარია იქნება. ოპოზიციის საერთო კანდიდატების წარდგენაზე გახდა ცნობილი.
ოპოზიციის ნაწილმა თბილისში მაჟორიტარობის საერთო კანდიდატები წარადგინა.
"მე გადავწყვიტე, პირადად ჩავერთო მაჟორიტარულ ბრძოლაში. ეს არის ძალიან მნიშვნელოვანი, ახლა არ არის დრო, ვიღაცა წინ გაუშვა და შენ იჯდე და რაღაც განცხადებები აკეთო. მე პირადად წავალ უბანში, რომელმაც ძალიან დიდი მაგალითი აჩვენა მთელ თბილისს, რომელიც პრაქტიკულად იყო ბრძოლის ველი. ბრძოლის სიმართლისთვის და არა ვინმეს წინააღმდეგ, ბრძოლის ველი ცვლილებისთვის, მომავლის რწმენისთვის და არა ვინმეს დასაჩაგრად და სადაც ჩემმა მეგობარმა და ჩემმა თანამებრძოლმა აჩვენა პირველი წარმატების მაგალითი, ყველანაირი წინააღმდეგობის მიუხედავად. დიდი სიამაყით ვაცხადებ, რომ მე ვიბრძოლებ გლდანში",- თქვა ელენე ხოშტარიამ.
მაჟორიტალური ოლქები სამმა სხვადასხვა პარტიამ - "გირჩი - მეტი თავისუფლება", "ევროპული საქართველო", "დროა" - გაინაწილა.
საერთო ოპოზიციური შეთანხმების საფუძველზე, "ნაციონალურმა მოძრაობამ" თბილისში მაჟორიტარობის კანდიდატები არ დაასახელა.
