"ოპოზიციურმა პარტიებმა სხვადასხვა ოლქებსა და სხვადასხვა მუნიციპალიტეტებში, სხვადასხვა შემადგენლობით შეძლეს გონივრული კომპრომისის პოვნა იმაზე, რაც ჩვენი ქვეყნის ბედს გადაწყვეტს, დემონსტრირება იმისა, რომ ჩვენ შეგვიძლია ივანიშვილის რეჟიმის დამარცხება და ამის შემდეგ კოორდინირებულად, კოალიციურად გადაწყვეტილებების მიღება", - ამის შესახებ "ევროპული საქართველოს" თავმჯდომარე, გიგა ბოკერიამ ჟურნალისტებს ბრიფინგზე განუცხადა, სადაც მან ასევე პარტიის მერობის კანდიდატები დაასახელა
"მნიშვნელოვანი ეტაპი დასრულდა კონსულტაციებისა და კოორდინაციის სხვადასხვა ოპოზიციურ პარტიებს შორის, თქვენ იცით რომ “ევროპული საქართველო” ყოველთვის იყო ამის ინიციატორი, იმიტომ რომ მიგვაჩნია სწორ სტრატეგიად ამ ბრძოლაში, ამ არჩევნებში, რომელიც სულაც არ არის არათუ ჩვეულებრივი თვითმართველობის არჩევნები, უბრალო არჩევნებიც არ არის, ეს არის შესაძლებლობა და შანსი რომ დავამარცხოთ რეჟიმი, რომელიც საფრთხეს უქმნის ჩვენი ქვეყნის მომავალს, ანუ ამ არჩევნებზე წყდება ბედი გვექნება თუ არ შესაძლებლობა სწრაფად გამოვიდეთ ამ უმძიმესი ვითარებიდან, რასაც ვაწყდებით ყველანი ჩვენ ქვეყანაში, დაწყებული კოვიდის ვითარებიდან, სადაც მთავრობამ დემონსტრატოულად ფეხებზე დაიკიდა ჩვენი მოქალაქეების ბედი, სიცოცხლე და ჯანმრთელობა, კორუფციით, უსაფრთხოებით, ჩვენი თავისუფლებით, ჩვენი შანსით რომ გავხდეთ ნორმალური, თავისუფალი ქვეყანა. ამიტომ არის მნიშვნელოვანი კოორდინაცია განსხვავებულ ოპოზიციურ პარტიებს შორის, ამიტომ ვიყავით და ვართ “ევროპული საქართველო” ამ ყველაფრის ინიციატორები. ამ ეტაპზე შეიძლება ითქვას, რომ პირველი ეტაპი კოორდინაციის, მართალია დაგვიანებით, მაგრამ წარმატებით დასრულდა, აქ იხილავთ სიას იმ მუნიციპალიტეტების, სადაც “ევროპული საქართველო” წარადგენს თავის მერობის კანდიდატებს. აქედან ორი მერობის კანდიდატი ხონში- ზურაბ ჯიბუხაია, თერჯოლაში- ზურაბ ბუცხრიკიძე არიან სხვადასხვა პოლიტიკურ ძალებთან შეთანხმებული, საერთო კანდიდატები. ამასთან ერთად ჩვენ ბუნებრივია წარვადგენთ კანდიდატებს იქაც სადაც, შეთანხმების ნაწილი იყო, რომ რამოდენიმე კანდიდატი ყოფილიყო. ეს სია ასე გამოიყურება:
გორი - ეთერ ჯალაღონია
ახალციხე - ზურაბ სადათიერაშვილი
ახალქალაქი - არაენ კარაპეტიანი
მარნეული - ახმედ იმამკულიევი
სამტრედია - ჟუჯუაბა ფოფხაძე
კასპი - აკაკი (კახა) გეჯაძე
ამბროლაური - მაია კაციტაძე
თეთრიწყარო - ნინო დავითაშვილი
წალენჯიხა, ნინოწმინდა, ადიგენის კანდიდატების წარდგენა ცალკე გვექნება.
მნიშვნელოვანია საზოგადოებამ, მოქალაქეებმა, ჩვენმა მხარდამჭერებმა, ყველამ იცოდნენ სად დაუჭერს “ევროპული საქართველო” მხარს, საერთო შეთანხმებულ კანდიდატებს, რომელიც წარმოდგენილები იქნებიან სხვადასხვა პარტიიდან ან დამოუკიდებელ კანდიდატებად.
ამასთან ერთად 300-ზე მეტ მაჟორიტარულ ოლქში წინასწარი შეთანხმება არის ერთიანი კანდიდატების წარდგენაზე. პირველ ეტაპზე ჩვენ კმაყოფილი ვართ ამ შედეგით კოორდინაციიის და მიგვაჩნია ეს გზავნილი უნდა მივიდეს მოქალაქეებთან, რომ ოპოზიციურმა პარტიებმა სხვადასხვა ოლქებსა და სხვადასხვა მუნიციპალიტეტებში, სხვადასხვა შემადგენლობით შეძლო გონივრული კომპრომისის პოვნა იმაზე, რაზეც ჩვენი ქვეყნის ბედს გადაწყვეტს, დემონსტრირება იმისა, რომ ჩვენ შეგვიძლია ივანიშვილის რეჟიმის დამარცხება და ამის შემდეგ კოორდინირებულად, კოალიციურად გადაწყვეტილებების მიღება", - განაცხადა ბოკერიამ.
