მოსკოვი მზადაა აღადგინოს ურთიერთობები თბილისთან იმ საფეხურზე, რაზეც ქართული მხარე ამისთვის მზად არის. განაცხადა რუსეთის საგარეო საქმეთა სამინისტროს ინფორმაციისა და პრესის დეპარტამენტის დირექტორის მოადგილემ, ალექსანდრ ბიკანტოვმა.
"ჩვენ მზად ვართ აღვადგინოთ ურთიერთობები ჩვენს სახელმწიფოებს შორის, იმ დონეზე, რა დონეზედაც ქართული მხარე ამისთვის მზად არის. ვიმედოვნებთ, რომ გაიმარჯვებს საღი აზრი და ჩვენი ქართველი პარტნიორები დაიწყებენ ურთიერთობების დამყარებას მეზობლებთან, ინტერესთა ბალანსის გათვალისწინებით", - თქვა ბიკანტოვმა.
2008 წლის აგვისტოში საქართველოს მიმართ რუსეთის მიერ გამხორციელებული სამხედრო აგრესიის გამო და რუსეთის მიერ ოკუპირებული საქართველოს განუყოფელი ნაწილების ე.წ. აღიარების შემდეგ, საქართველომ 2008 წლის 2 სექტემბერს, გაწყვიტა დიპლომატიური ურთიერთობები რუსეთის ფედერაციასთან.
