საერთაშორისო რესპუბლიკური ინსტიტუტის (IRI-ს) კვლევის შედგების თანახმად, გამოკითხული მოსახლეობის 53% სრულად ან ნაწილობრივ არ ენდობა ცენტრალური საარჩევნო კომისიის მიერ ჩატარებულ არჩევნებს. 25% - "საერთოდ არ ენდობა", 28% - "ნაკლებად ენდობა"
კვლევის მიხედვით, მხოლოდ 11% ამბობს, რომ სრულად ენდობა ცესკო-ს მიერ ჩატარებულ არჩევნებს. 30%-ის თქმით, ცესკოს-ს მეტ-ნაკლებად ენდობა, ხოლო 6%-ს კითხვაზე პასუხი არ აქვს.
კვლევა ჩატარდა 2021 წლის 15-30 ივნისის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ, საველე სამუშაოები ჩატარდა „IPM“-ისმიერ.
მონაცემები შეგროვდა სტრატიფიცირებული მრავალსაფეხურიანი შემთხვევითი შერჩევის მეთოდის გამოყენებით, პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად.
ცდომილების ზღვარი წარმოადგენს +/- 2.5 %, გამოპასუხების მაჩვენებელი - 74 %. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.
