შეერთებული შტატების ელჩი საქართველოში კელი დეგნანი იმედოვნებს, რომ 19 აპრილის შეთანხმება ძალაში დარჩება.
ელჩმა დეგნანმა კიდევ ერთხელ გამოხატა სინანული "ქართული ოცნების" მიერ შეთანხმების ცალმხრივად ანულირების გამო და კვლავ მოუწოდა პოლიტიკურ პარტიებს, ვისაც ჯერ ეს ნაბიჯი არ გადაუდგამს, მოაწერონ ხელი შეთანხმებას.
"ეს შეთანხმება არის საუკეთესო გზამკვლევი, რომელიც ქართველმა ლიდერებმა ექვსთვიანი მოლაპარაკებების შედეგად შეათანხმეს, იმ რეფორმების ჩასატარებლად, რომლებიც საქართველოს სჭირდება. შეთანხმების იდეა და ღირებულება მდგომარეობდა იმაში, რომ მხარეებმა შეათანხმეს ის ერთად და ერთად აიღეს ვალდებულება, რომ შეასრულონ რეფორმები. ჩვენი იმედია, რომ ეს შეთანხმება გააგრძელებს გარკვეული სტრუქტურის და ჩარჩოს უზრუნველყოფას მხარეების ერთად მუშაობისთვის.
კვლავ მოვუწოდებთ ყველა პარტიას, რომელსაც ჯერ არ მოუწერია ხელი ამ შეთანხმებისთვის, ხელი მოაწერონ მას, რადგან მნიშვნელოვანია, რომ ეს იყოს ფართო შეთანხმება. თუმცა ამავე დროს, მათ, ვინც ხელი მოაწერეს შეთანხმებას, დადეს პირობა და აიღეს ვალდებულება, შეასრულონ ამ შეთანხმების პირობები“, – განაცხადა დეგნანმა.
