ამერიკელი კონგრესმენები, წარმომადგენელთა პალატაში საქართველოს მხარდამჭერი ჯგუფის თავმჯდომარეები, ადამ კინზინგერი და ჯერი კონოლი თბილისში მიმდინარე პოლიტიკურ პროცესებთან დაკავშირებით განცხადებას ავრცელებენ.
"გავრცელებული ცნობა იმის შესახებ, რომ „ქართულმა ოცნებამ“ 19 აპრილის საპარლამენტო შეთანხმება დატოვა, კიდევ უფრო მკაფიოდ წარმოაჩენს იმ გამოწვევებს, რომლის წინაშეც საქართველოს დემოკრატია დგას. ჩვენ იმედგაცრუებულნი ვართ ამ ამბით და ასევე იმით, რომ რომ ოპოზიციურმა პარტიებმა უარი განაცხადეს, შეერთებოდნენ შეთანხმებას. იმედგაცრუებულნი ვართ, ასევე პოლიტიკური ვითარების პოლარიზაციით.
მოვუწოდებთ ყველა მხარეს, უკან დაიხიონ, გადააფასონ პრიორიტეტები და იმუშაონ ერთად საქართველოს დემოკრატიის გასაძლიერებლად და არა მის დასანგრევად.
მხოლოდ საკანონმდებლო პროცესის საშუალებით შეიძლება მოგვარდეს სახელმწიფო მართვის საკითხები. მათ, ვისაც სურთ საქართველოს დემოკრატიის უკუსვლის ხილვა, ძალას მატებს პოლიტიკოსთა მიერ უკან გადადგმული ნაბიჯები, თითის სხვებისკენ გაშვერა და შეთქმულებათა გავრცელება. მზად ვართ, დაგეხმაროთ, სადაც შეგვიძლია, რათა საქართველოს დემოკრატიის მიმართ ნდობა აღვადგინოთ", - ნათქვამია განცხადებაში.