ევროპული საბჭოს პრეზიდენტი შარლ მიშელი ეხმიანება საქართველოში მიმდინარე მოვლენებს და განცხადებას ავრცელებს:
"მხედველობაში ვიღებ "ქართული ოცნების" გადაწყვეტილებას, რომელიც 19 აპრილის შეთანხმების ანულირებას ეხება. ეს შეთანხმება, ქართველი ხალხის ინტერესების გათვალისწინებით, საქართველოს ევროპულ გზაზე წინსვლას, უფრო ძლიერი დემოკრატიისა და კანონის უზენაესობის მშენებლობას უზრუნველყოფს. ასევე, მხედველობაში ვიღებ "ნაციონალური მოძრაობის" გადაწყვეტილებას, შეთანხმებისთვის ხელის არმოწერის შესახებ.
დარწმუნებული ვარ, რომ ეს შეთანხმება არის საუკეთესო გზა რეფორმების დღის წესრიგის განსახორციელებლად, რომელიც გააძლიერებს საქართველოს დემოკრატიულ ინსტიტუტებს და ხელს შეუწყობს კეთილდღეობის, სამუშაო ადგილებისა და განვითარების მიღწევას - ეს ყველაფერი ძალიან მნიშვნელოვანია ქართველი ხალხისთვის.
ვერ ვხედავ ალტერნატივას, გარდა განგრძობადი, სიღრმისეული საარჩევნო და სასამართლო რეფორმისა, ასევე თავისუფალი და სამართლიანი ადგილობრივი არჩევნებისა.
მოვუწოდებ ყველა მხარეს, პირველ ადგილზე დააყენონ მოქალაქეების ინტერესები და ხელი შეუწყონ საქართველოს პოლიტიკური დისკურსის წინსვლას ქვეყნის დემოკრატიული ინსტიტუტების ფარგლებში. საქართველოში რიგ პოლიტიკურ აქტორებთან კონსულტაციები იწყება. გუშინ შევხვდი პრეზიდენტ ზურაბიშვილს შექმნილი სიტუაციისა და ევროკავშირი-საქართველოს ურთიერთობების განსახილველად“, - ნათქვამია შარლ მიშელის განცხადებაში.
