ნუ ნერვიულობთ, ყველაფერი იქნება კარგად ახსნილი, არანაირი რუსული სცენარი არ არის, - აცხადებს საგარეო საქმეთა მინისტრი დავით ზალკალიანი ჟურნალისტების შეკითხვის საპასუხოდ, შარლ მიშელის შეთანხმების ანულირება ხომ არ ნიშნავს დასავლურ ორიენტაციაზე უარის თქმას.
ზალკალიანი ირწმუნება, რომ შეთანხმების ანულირება რუსული სცენარი არ არის და საერთაშორისო პარტნიორებს "ყველაფერს კარგად აუხსნიან".
"თქვენ ნუ ნერვიულობთ, ყველაფერი კარგად იქნება. ნუ ნერვიულობთ, ყველაფერი იქნება კარგად ახსნილი, არანაირი რუსული სცენარი არ არის", - აღნიშნა ჟურნალისტებთან საუბრისას მინისტრმა.
შეგახსენებთ, "ქართულმა ოცნებამ" ევროპული საბჭოს პრეზიდენტის, შარლ მიშელის სახელით ცნობილი, 19 აპრილის შეთანხმება ანულირებულად გამოაცხადა.
ფოტო: მთავარი არხი
