ფლორიდის საერთაშორისო უნივერსიტეტის მკვლევარი და სახელმწიფო დეპარტამენტის ყოფილი მაღალჩინოსანი დევიდ კრამერი "ქართული ოცნების" მიერ 19 აპრილის შეთანხმების ანულირებას ეხმიანება.
"ამერიკის ხმასთან" საუბარში კრამერი აცხადებს, რომ ახლა მიზანმიმართული სანქციების დროა.
"ევროკავშირი შეურაცხყოფილი უნდა იყოს იმით, რომ "ქართულ ოცნებასთან" მოლაპარაკებაში დრო დაკარგა. ახლა მიზანმიმართული სანქციების დროა, რათა "ქართული ოცნების“ წევრები მიხვდნენ, რომ უკვე საკმარისია", - აცხადებს კრამერი.
"პრემიერი უნდა გადამდგარიყო, მაგრამ ამის ნაცვლად, ის რჩება და პოლიტიკურ სიტუაციას აუარესებს. პარალელურად საპარლამენტო კომისიამ, რომელიც გასული შემოდგომის არჩევნებს იძიებს, დაასკვნა, რომ ყველაფერი კარგადაა. ძალაუფლებაში მყოფმა მთავრობამ, რომელმაც კოალიციის გარეშე მიიღო საკმარისი ხმები, თავადვე გამოიძია არჩევნების საქმე და დაადგინა, რომ მთავრობაში მყოფმა ძალამ სამართლიანად მოიგო. "ქართული ოცნება არსებულ სიტუაციას დასცინის.
წარსულში, შეიძლებოდა, რომ კრიზისის არსებობაში ბრალის ნაწილი ოპოზიციაზეც გაგვენაწილებინა და გვეთქვა, რომ ისინი პარლამენტში უნდა შესულიყვნენ. თუმცა, ახლა, მთელი პასუხისმგებლობა ეკისრება პრემიერს, „ქართულ ოცნებას“ და ბატონ ივანიშვილს", - ამბობს კრამერი.
