პარადოქსია იმაზე საუბარი, რომ მერე რა, თუ ისინი ხელს არ აწერენ, ვალდებულებები თქვენ შეასრულეთ, აცხადებს ფრაქცია "ქართული ოცნების" თავმჯდომარე მამუკა მდინარაძე. მდინარაძე აცხადებს, რომ არ გამორიცხავს, საერთაშორისო პარტნიორების მხრიდან იყოს კრიტიკა.
„საერთაშორისო პარტნიორები, ჩვენი მეგობრები ის ხალხი არიან, რომელთაც არაერთი მცდელობის მიუხედავად, ვერ მოახერხეს მთავარი ოპოზიციური ძალის დარწმუნება, რომ ხელშეკრულებას შეერთებოდა. პარადოქსია იმაზე საუბარი, რომ მერე რა, თუ ისინი ხელს არ აწერენ, ვალდებულებები თქვენ შეასრულეთ. აქამდე იყო იმედი, რომ ხელს მოაწერდნენ, მაგრამ არ მოაწერეს. ასევე იყო იმედი იმისა, რომ პოლარიზაციის ხარისხი შემცირდებოდა, მაგრამ პოლარიზაციის ხარისხი გაიზარდა. როგორც ახლა ვდგავარ და თქვენ გიხსნით, ზუსტად ასევე შევეცდებით, რომ ჩვენს საერთაშორისო პარტნიორებს ავუხსნათ“, - განაცხადა მდინარაძემ.
