გამოდის, რომ შარლ მიშელის დოკუმენტიდან ყველაზე პრობლემური ის პუნქტი იყო, რომელიც საარჩევნო ბარიერის 2%-მდე დაწევას გულისხმობდა, - აცხადებს "გირჩის“ ერთ-ერთი ლიდერი ვახტანგ მეგრელიშვილი. მისი განმარტებით, „ქართული ოცნება“ და „ნაციონალური მოძრაობა“ ერთმანეთს აძლიერებენ.
„ჩემი მთავარი კითხვაა – შეთანხმების ამ ნაწილიდანაც გადის ირაკლი კობახიძე? ირაკლი კობახიძემ რაც ჩამოთვალა, ფაქტობრივად შესრულებული აქვთ. „ქართული ოცნება“ და „ნაციონალური მოძრაობა“ ერთმანეთს აძლიერებენ. მიხეილ სააკაშვილის გუშინდელი განცხადება ისევე აძლიერებს „ქართულ ოცნებას“, როგორც „ქართული ოცნების“ დღევანდელი განცხადება გააძლიერებს „ნაციონალურ მოძრაობას“. გამოდის, რომ შარლ მიშელის დოკუმენტიდან ყველაზე პრობლემური ის პუნქტი იყო, რომელიც საარჩევნო ბარიერის 2%-მდე დაწევას გულისხმობდა“, – აღნიშნა ვახტანგ მეგრელიშვილმა.
მეგრელიშვილი ამბობს, რომ რაც შეეხება 53%-იან შემოთავაზებას, რეალურად, „ქართულ ოცნებას“ თავად აწყობს ვადამდელი არჩევნები და კოალიციური მთავრობა ამიტომ იყო ნახსენები.
"ამ გადაწყვეტილებით ნათელი ხდება, რომ „ქართული ოცნებისთვის“ პრობლემა არ არის 2022 წელს რიგგარეშე არჩევნების ჩატარება. გამოვიდა, რომ ეს გადაწყვეტილება მიმართულია ერთადერთი პუნქტის წინააღმდეგ, რომელიც რისკის ქვეშაა და რაც არც „ნაციონალურ მოძრაობას“ აწყობს და არც „ქართულ ოცნებას“. ეს არის საარჩევნო ბარიერი. შეთანხმებიდან გასვლა შეიძლება ნიშნავდეს იმას, რომ მხოლოდ ეს პუნქტია შეუსრულებელი" - განაცხადა მეგრელიშვილმა.
