"ევროპული საქართველოს" თავჯდომარე, გიგა ბოკერია, კახა კალაძის განცხადებას ეხმაურება, ჟურნალისტების მხირდან ფსიქოლოგიურ ძალადობასთან დაკავშირებით.
ბოკერიას თქმით, ყველა ვინც ძალადობას და მის პირდაპირ მოწოდებას აიგივებს მისი აზრით უსამართლო კრიტიკასთან, ერთი მხრივ, უპირისპირდება სიტყვის თავისუფლებას და ირიბად მოძალადეებს უჭერს მხარს.
"ყველა, ვინც ფიზიკურ ძალადობას ან ძალადობისაკენ პირდაპირ მოწოდებას და დაორგანიზებას სიძულვილის, რომელსაც მოყვება ძალადობა, აიგივებს თუნდაც მისი აზრით უსამართლო კრიტიკასთან, ამით, ერთიმხრივ, უპირისპირდება სიტყვის თავისუფლებას, მეორემხრივ კი ირიბად მოძალადეებს მხარს უჭერს, რაც გააკეთა კალაძემ", - განაცხადა ბოკერიამ.
გიგა ბოკერია ასევე გამოეხმაურა კახა კალაძის იმ განცხადებას, სადაც ის 5 ივლისის მოვლენებსა და ჟურნალისტებზე ძალადობაზე საუბრობდა.
ბოკერიამ აღნიშნა, რომ კალაძე გმობდა ჟურნალისტებზე თავდასხმას და ამ ფაქტს სამარცხვინოს უწოდებდა მაშინ, როდესაც გვერდზე ღარიბაშვილი და კობახიძე ედგა, სწორედ ის პირები, ვინც დააორგანიზა ეს ძალადობა.
"ბატონმა კალაძემ ბრძანა, რომ დასასჯელი და სამარცხვინოა ყველა, ვინც იმ დღეს ჟურნალისტებს არბევდა, ვინც სიძულვილს და ძალადობას თესავს, ოღონდ ამას რომ ამბობდა, გვერდში ეგდა ღარიბაშვილი და კობახიძე და არის იმ გუნდის წევრი, ვინც ამ ყველაფერს აკეთებდა წლები და ვინც დააორგანიზა ეს ძალადობა.
ამიტომ, არავინ არ უნდა მოტყუვდეს, კალაძისთვის და ოცნებისთვის ხმის მიცემა არის მორგოშიასთვის, ფალავანდიშვილისთვის, კობახიძისთვის და ღარიბაშვილისთვის ხმის მიცემა, არავინ არ უნდა მოტყუვდეს", - განაცხადა გიგა ბოკერიამ.
