უკრაინის პრეზიდენტი ვოლოდიმირ ზელენსკი ენგურის ხიდზე, საოკუპაციო ხაზთან ჩავიდა.
ზელენსკი ცოტა ხნის წინ ჩავიდა ბათუმის საერთაშორისო აეროპორტში, საიდანაც ის პირდაპირ საოკუპაციო ხაზისკენ გაემართა.
საგარეო საქმეთა მინისტრის მოადგილის ლაშა დარსალიას ინფორმაციით, ზელენსკი სოფელ ხურჩაშიც ჩავა.
ზელენსკი ბათუმის მე-17 ყოველწლიურ საერთაშორისო კონფერენციაში მიიღებს მონაწილეობას.
ვლადიმირ ზელენსკი საქართველოში პრეზიდენტის, სალომე ზურაბიშვილის მოწვევით ჩამოვიდა.
უკრაინის პრეზიდენტი დღეს ბათუმის მე-17 საერთაშორისო კონფერენციაში „ევროკავშირის მიზიდულობის ძალა და რეგიონის ტრანსფორმაცია“ მიიღებს მონაწილეობას, რომლის ფარგლებშიც „აღმოსავლეთ პარტნიორობის“ ასოცირებული ქვეყნების ლიდერთა შეხვედრა გაიმართება. ღონისძიებას გახსნის ვიცე-პრემიერი, საგარეო საქმეთა მინისტრი დავით ზალკალიანი.
