„არ ვიცი, შარლ მიშელი რამდენად მწვავე საყვედურს ეტყვის ყველას, რადგან ვისაც არ ეზარება ყველა 19 აპრილის შეთანხმებას არღვევს", აცხადებს "მოქალაქეების" ერთ-ერთი ლიდერი ალეკო ელისაშვილი.
მისი განმარტებით, მაგალითად, „ქართული ოცნება“ მეორედ არღვევს სასამართლოს ნაწილში, რადგან გუშინ მეორე შემთხვევა იყო, როცა შევთანხმდით, რომ ცესკო-ს თავმჯდომარეობის კანდიდატები უნდა ყოფილიყვნენ მაღალი საზოგადოებრივი რეპუტაციის მქონე ადამიანები.
"შეიძლება, წარმოდგენილი ხალხი თავის სფეროში არიან რეპუტაციის, მაგრამ მათ არავინ ვიცნობთ და ეს ხომ უკვე დარღვევაა? ალბათ, ცესკო-ს თავმჯდომარე ექვსი თვის ვადით გვეყოლება“, – განაცხადა ელისაშვილმა.
პარლამენტის გუშინდელ რიგგარეშე სხდომაზე ცესკო-ს თავმჯდომარის თანამდებობაზე წარდგენილი კანდიდატები კენჭისყრაზე ჩავარდნენ.
