ეკლესიის მიმართ თუ წაიშალა ნდობა, ჩათვალეთ, რომ სახელმწიფოებრიობა ჩამოგვეშლება - განაცხადა ფოთისა და ხობის მიტროპოლიტმა, მეუფე გრიგოლმა ტელეკომპანია "ფორმულასთან" საუბრისას.
მეუფე გრიგოლმა კიდევ ერთხელ დაგმო თბილისში 5-6 ივლისს განხორციელებული ძალადობა.
მისი თქმით, ქვეყანას და ეკლესიას ძალიან მძიმე ვითარება უდგას.
"ყველაზე დიდი პრობლემა, ამ შემთხვევაში, რაც ჩვენ ვიხილეთ, არის აი, ეს უკონტროლობა, რომლითაც ადამიანებმა თავისი თავი და ემოციები ვერ გააკონტროლეს. ასე მგონია, რომ ალბათ ბევრი მათგანი ამას ნანობს. საერთოდ, უნდა გითხრათ, რომ ძალიან მძიმე გზას გადის როგორც ქვეყანა, ასევე ეკლესია. შეუდარებლად დაპირისპირებულია საზოგადოება შიგნით, პოლარიზებულია. და თუ ჩვენ ერთეული ადამიანების შეცდომებით, თუ დანაშაულებრივი ქმედებების განზოგადება მოვახდინეთ ეკლესიაზე და ეკლესიის მიმართ წაიშალა ნდობა, ჩათვალეთ, რომ ჩვენ ჩამოგვეშლება აუცილებლად სახელმწიფოებრიობა", - განაცხადა მეუფე გრიგოლმა.
