საქართველომ ან უნდა შემოიღოს ისევ შეზღუდვები, ან უნდა შეეგუოს ამ გაზრდილ რაოდენობასთან თანაცხოვრებას - აცხადებს თბილისის შიდსისა და ინფექციური პათოლოგიების ცენტრის გენერალური დირექტორი თენგიზ ცერცვაძე "რუსთავი 2"-თან საუბრისას.
ცერცვაძის განცხადებით, მოსალოდნებია ახალი შემთხვევების რაოდენობის ზრდა.
"მოსახლეობამ ის სიგნალი მთავრობისგან, რომ მკაცრი შეზღუდვები მოხსნა, გაიგო თავისებურად, გაიგო ისე, რომ მათ ყველა ვალდებულება მოეხსნათ და არ იცავენ არცერთ დარჩენილ რეგულაციას. შემდეგი მიზეზი, რომ გაზრდილია მობილობა - საკურორტო ზონები გადავსებულია და შესაძლოა, შემდგომი ზრდაც ვერ ავიცილოთ. საქართველომ, ამ პირობებში, ან უნდა შემოიღოს ისევ შეზღუდვები, ან უნდა შეეგუოს ამ გაზრდილ რაოდენობასთან თანაცხოვრებას", - თქვა თენგიზ ცერცვაძემ.
