საქართველოს პარლამენტი უსაფრთხოების დამატებითი ზომების შესახებ განცხადებას ავრცელებს, სადაც აღნიშნულია, რომ საქართველოს პარლამენტის თავმჯდომარის 2016 წლის 30 დეკემბრის ბრძანებით დადგენილი რეგულაციების შესაბამისად, პარლამენტის შენობაში დღეს დაშვების შეზღუდული რეჟიმი იმოქმედებს.
პარლამენტის განცხადებით, მედიის წარმომადგენლების დაშვება ჩვეულ რეჟიმში განხორციელდება წინასწარ შეთანხმებული გადამღები ჯგუფების რაოდენობისა და საშვების საფუძველზე.
"18 ივლისს, "საქართველოს პარლამენტის სასახლეში და მიმდებარე ტერიტორიაზე უსაფრთხოების დაცვის რეჟიმის შესახებ" საქართველოს პარლამენტის თავმჯდომარის 2016 წლის 30 დეკემბრის N259/3 ბრძანებით დადგენილი რეგულაციების შესაბამისად, იმოქმედებს პარლამენტის შენობაში დაშვების შეზღუდული რეჟიმი, გარდა მედიის წარმომადგენლებისა, რომელთა დაშვება ჩვეულ რეჟიმში განხორციელდება წინასწარ შეთანხმებული გადამღები ჯგუფების რაოდენობისა და საშვების საფუძველზე.
აღნიშნული ღონისძიების მიზანია შესაძლო პროვოკაციების პრევენცია და საქართველოს პარლამენტის წევრებისა და აპარატის თანამშრომლებისთვის სამუშაო პირობების უზრუნველყოფა", - ნათქვამია განცხადებაში.
ტელეკომპანია "ფორმულას" ჟურნალისტმა, ვახო სანაიამ 17 ივლისს, პარლამენტის წინ მიმდინარე აქციაზე განაცხადა, რომ ხვალ, ჟურნალისტები 12 საათზე შეიკრიბებიან პარლამენტთან, სადაც შინაგან საქმეთა მინისტრ ვახტანგ გომელაურის მოსმენაა დაგეგმილი.
