ევროპული საქართველოს ერთ-ერთი ლიდერი, ოთარ კახიძე, აშშ-ის სახელმწიფო მდივნის განცხადებას ეხმაურება მოსამართლეების დანიშვნასთან დაკავშირებით.
კახიძის თქმით, ქართული ოცნება მოიმკის შედეგებს 19 აპრილის შეთანხმების შეუსრულებლობისათვის და დასავლელი პარტნიორების რეკომენდაციების არ გათვალისწინებისათვის.
კახიძემ აღნიშნა, რომ უკვე ყველა საერთაშორისო პარტნიორმა დაინახა ქართული ოცნების რეალური სახე, როგორც არასანდო პარტნიორის.
„ქართული ოცნება მოიმკის შედეგებს 19 აპრილის შეთანხმების შეუსრულებლობისათვის და დემონსტრაციული ფეხზე დაკიდებისათვის ჩვენი დასავლელი პარტნიორების. ჩვენ ამას ისედაც ვფიქრობდით, რომ ეს ასე მოხდებოდა და იმიტომაც არ შევუერთდით ამ შეთანხმებას, რადგან არ იყო იქ საკმარისი გარანტიები და პირობები, რომ წარმატებისათვის მიგვეღწია.
ახლა უკვე ყველამ დაინახა ქართული ოცნების რეალური სახე, როგორც არასანდო პარტნიორის და გადამგდების.“ - განაცხადა კახიძემ.
