შეერთებული შტატების სახელმწიფო დეპარტამენტის პრესსპიკერი ნედ პრაისი 5 ივლისს, თბილისში განვითარებულ მოვლენებს ეხმიანება და გმობს ძალადობრივ თავდასხმებს.
ნედ პრაისის განცხადებით, საქართველოს ხელისუფლება ვალდებულია დაიცვას მოქალაქეთა კონსტიტუციური უფლებები და პასუხისგებაში მისცეს ძალადობაში მონაწილე პირები.
"ვგმობთ 5 ივლისს საქართველოში მომხდარ ძალადობრივ თავდასხმებს სამოქალაქო აქტივისტებზე, თემის წევრებსა და ჟურნალისტებზე. საქართველოს ლიდერები და სამართალდამცველი ორგანოები ვალდებულნი არიან დაიცვან გამოხატვისა და შეკრების თავისუფლების კონსტიტუციური უფლებები და ძალადობაში მონაწილე პირები გაასამართლონ", - ნედ პრაისი.
