ნატოს ქვეყნებისა და უკრაინის ერთობლივი სამხედრო წვრთნები Sea Breeze შავ ზღვაში ანტირუსულ ხასიათს ატარებს. შეერთებული შტატები და მისი მოკავშირეები ცდილობენ შავი ზღვის სამხედრო დაპირისპირების ზონად გადაქცევას. განაცხადა რუსეთს საგარეო საქმეთა სამინისტროს ოფიციალურმა წარმომადგენელმა, მარია ზახაროვამ.
"ეს ნამდვილად არის კუნთების პროვოკაციული თამაში", - თქვა ზახაროვამ ხუთშაბათს გამართულ ბრიფინგზე.
ზახაროვას განცხადებით, "შავი ზღვის აკვატორია, ვაშინგტონისა და მისი მოკავშირეების მეცადინეობით, მუდმივად თანამშრომლობის სივრციდან სამხედრო დაპირისპირსების ზონად გარდაიქმნება".
"ეს კეთდება მიზანმიმართულად, რათა მსოფლიოს კიდევ ერთი რეგიონი, შეერთებული შტატების მეთაურობით, არასტაბილური გახდეს და საფრთხე წარმოშვას", - თქვა ზახაროვამ.
მისივე თქმით, ეჭვგარეშეა, რომ ამ მანევრებს მკაფიო ანტირუსული ქვეტექსტი აქვთ.
რუსეთის საგარეო საქმეთა მინისტრის სპიკერის თქმით, ბოლოდროინდელი ინციდენტები შავ ზღვაში, კერძოდ ბრიტანულ გამანადგურებელსა და ჰოლანდიური ფრეგატთან დაკავშირებით, "პროვოკაციების ჯაჭვია, რომელსაც კოორდინირებული ხასიათი აქვს".
"მიუხედავად დიალოგისთვის მზაობის განცხადებისა, ჩრდილოატლანტიკური ალიანსი მიზანმიმართულად ამძაფრებს სიტუაციას ჩვენი საზღვრების პერიმეტრზე და ზრდის შეიარაღებული ინციდენტების საშიშროებას", - განაცხადა ზახაროვამ.
შეგახსენებთ, შავ ზღვაში უკრაინისა და შეერთებული შტატების ორგანიზებით სამხედრო წვრთნები Sea Breeze 2021 მიმდინარეობს.
შავი ზღვის უკრაინის აკვატორიაში მიმდინარე წვრთნების პარალელურად, რუსეთის შავი ზღვის ფლოტმა სამხედრო სწავლება გამართა.
