მას როგორც შსს-ს მინისტრს კარგად უნდა ახსოვდეს, რომ ნებისმიერ ოპერაციას თან ახლავს რისკები, ჩვენი პოლიციელებიც მიდიან რისკზე და მით უმეტეს, რომ ჩვენ ინფორმაცია გვქონდა, რომ იქ არავითარ შეიარაღებული დაპირისპირება არ იყო მოსალოდნელი, მაგრამ მან ეს გადაწყვეტილება მიიღო, - აცხადებს საქართველოს პრემიერ-მინისტრი ყოფილ პრემიერ-მინისტრზე. როგორც ირაკლი ღარიბაშვილმა განაცხადა, გიორგი გახარიას ამ ქმედებას სახელი უნდა დაერქვა, როცა კრიზისის დრო, პრემიერ-მინისტრი, რომელიც მაშინ გუნდის ლიდერი იყო და პასუხისმგებლობა უნდა აეღო, გადადგა.
"შესაბამისად ჩვენ კარგად უნდა გვესმოდეს, რომ ჩვენს საქმიანობას თან ახლავს პასუხისმგებლობა და ჩვენ ვართ პასუხისმგებელნი ყველა ჩვენს ქმედებაზე. ჩვენი პარტიის დამფუძნებელმა გააკეთა სრულყოფილი შეფასება და ყველაფერს დაარქვა სახელი, შესაბამისად მე ვერაფერს დამატებით ვერ გეტყვით, გარდა იმისა, რომ მინდა ყველა ადამიანს წარმატება ვუსურვო“, - განაცხადა ირაკლი ღარიბაშვილმა.
