უნდა ამუშავდეს საავადმყოფოები, რომლებიც დღეისთვის არ ფუნქციონირებს. ამის შესახებ ანტიკრიზისული საბჭოს თავმჯდომარემ გია თორთლაძემ სხდომის დასრულების შემდეგ განაცხადა.
"ყველა შეკითხვაზე მივიღეთ პასუხი. კონკრეტული საავადმყოფობის მიმართ, რომელთა მდგომარეობაც მძიმეა, დამაიმედებელი და საინტერესო მიდგომების შესახებ მივიღეთ ინფორმაცია. ის საავადმყოფოები, რომლებიც არ ფუნქციონირებს, უნდა ამუშავდეს, ხოლო კონკრეტული კომპანიები, რომლებმაც ვალდებულებები არ იკისრეს, შესაბამისი სანქციებით უნდა დაისაჯოს", - აღნიშნა თორთლაძემ.
მისი თქმით, დღევანდელ შეხვედრაზე მხარები შეთანხმდნენ, რომ დეკემბრის დასაწყისში კიდევ ერთი შეხვედრა გაიმართება და ასეთი შეხვედრები სისტემატიურ ხასიათს მიიღებს.
შეგახსენებთ, რომ ანტიკრიზისული საბჭოს წევრების კითხვებს დღეს შრომის, ჯანმრთლებისა და სოციალური დაცვის მინისტრი სანდრო ურუშაძე პასუხობდა.
