ეს არ არის სტრატეგიული გადაწყვეტილება, ეს არის ტაქტიკური გადაწყვეტილება, – ამის შესახებ გუბაზ სანიკიძემ "ნაციონალური მოძრაობის" პარლამენტში შესვლის გადაწყვეტილებასთნ დაკავშირებით განაცხადა.
"სტრატეგია ძველი რჩება, ეს არის ხელისუფლების ცვლილება. უბრალოდ ახლა არის ფანჯარა, საშუალება, მექანიზმი იმისა, რომ ადგილობრივი არჩევნების შემდეგ მოხდეს რიგგარეშე არჩევნების დანიშვნა. რეალური შანსი არსებობს, ოღონდ კარგა გვარიანი მუშაკობა დაგვჭირდება მთლიანად ოპოზიციას და სხვათა შორის საზოგადოებასაც. ამიტომ მივიღეთ ასეთი გადაწყვეტილება. გარდა ამისა, მივიღეთ გადაწყვეტილება, რომ შეთახნმებას ხელი არ მოვაწეროთ, იმიტომ რომ იქ არის რამოდენიმე მოსაზრება ჩვენთვის მიუღებელია. დანარჩენი ვნახოთ პარლამენტში რა და როგორ იქნება. მე იმედი მაქვს, რომ პოლიტიკური ცენტრი გადაინაცვლებს საქართველოს პარლამენტში. არამარტო დისკომფროტს შევუქმნით, არამედ ხელის შეშლება იქნება სერიოზულად ქვეყნის დემონტაჟში, რასაც ატარებს ქართული ოცნება. აღარც ქართული ოცნება აღარ არის კაი ხანია ფორმაში, ამიტომ ამას ხელი უნდა შევუწყოთ, რომ ქართულმა ოცნებამ დაიწყოს რღვევა და ჩვენი იქ შესვლა ამას ხელს შეუწყობს", - თქვა გუბაზ სანიკიძემ.
ცოტა ხნის წინ, "ნაციონალური მოძრაობის" თავმჯდომარემ, ნიკა მელიამ განაცხადა, რომ პარტია პარლამენტში შედის, თუმცა ხელს არ აწერს შარლ მიშელის დოკუმენტს.
