პროცესის გადადების არანაირი საფუძველი არ არსებობს, პირიქით, კანონმდებლობა, კონსტიტუცია და მიშელის დოკუმენტი მიგვანიშნებს იმას, რომ ეს პროცესი უნდა წარიმართოს ახლა პარლამენტში, აცხადებს პარტია „ქართული ოცნების" თავმჯდომარე ირაკლი კობახიძე. მისი განმარტებით, უნდა დავამტკიცოთ იუსტიციის უმაღლესი საბჭოს წევრები იმისთვის, რომ არ შეექმნას შეფერხება ამ ორგანოს ფუნქციონირებაში.
„ჩვენ ვმოქმედებთ კონსტიტუციის, კანონმდებლობის, მიშელის დოკუმენტის შესაბამისად, თუ ჩვენ ჩავხედავთ ამ სამ დოკუმენტს, მათგან გამომდინარეობს დასკვნა, რომ ჩვენ ივნისში უნდა დავიწყოთ იუსტიციის უმაღლესი საბჭოს წევრების დამტკიცების პროცედურა. აქვე შეგახსენებთ, რომ ჩვენს მიერ 2017 წელს განხორციელებული საკონსტიტუციო ცვლილებების, რეფორმის თანახმად, ეს გადაწყვეტილება მიიღება 3/5 - ის უმრავლესობით პარლამენტში, ეს ნიშნავს, 90 ხმას, 90 ხმა უმრავლესობას არ აქვს, ეს ავტომატურად ნიშნავს იმას, რომ ფართო ჩართულობის და შეთანხმების საფუძველზე დამტკიცდებიან იუსტიციის უმაღლესი საბჭოს წევრები. აქედან გამომდინარე ამ პროცესის გადადების არანაირი საფუძველი არ არსებობს. პირიქით, კანონმდებლობა, კონსტიტუცია და მიშელის დოკუმენტი მიგვანიშნებს იმას, რომ ეს პროცესი უნდა წარიმართოს ახლა პარლამენტში და ჩვენ უნდა დავამტკიცოთ იუსტიციის უმაღლესი საბჭოს წევრები იმისთვის, რომ არ შეექმნას შეფერხება ამ ორგანოს ფუნქციონირებაში,"- განაცხადა კობახიძემ.
