„ძალიან დიდი სურვილი მექნება, რომ ერთი რეფორმა იყოს. ჩვენ უკვე ვნახეთ ძალიან კარგი პრეცედენტი, როდესაც საარჩევნო რეფორმასთან დაკავშირებით მოხდა შეჯერება პოზიციების", აცხადებს პარლამენტის თავმჯდომარე კახა კუჭავა. მისი განმარტებით, ის საჭიროებისამებრ განხილვაში ჩაერთვება.
"თუ როგორ წარიმართება პროცესი ყველა ერთად ვნახავთ. ჯერჯერობით განხილვის მონაწილე მე არ ვარ, თუ საჭირო გახდება, რომ მეც ჩავერთო, რათა ეს ორი კანონპროექტი ერთ საბოლოო ვერსიად შევაჯეროთ და ვნახოთ, რა არის რეალური განსხვავება და მხოლოდ შემდეგ ამ განსხვავებაზე შევეცადოთ კომპრომისები ვიპოვოთ, მეც ჩავებმები. ჯერჯერობით მხარეები ახერხებენ ერთმანეთთან კომუნიკაციას, არის შეხვედრები და ეს კიდევ უფრო ინტენსიური გახდება, რაც საკომიტეტო მოსმენები დაიწყება, ამიტომ დაველოდოთ პროცესს,“- განაცხადა კახა კუჭავამ.
