საქართველოს პრემიერ-მინისტრი ირაკლი ღარიბაშვილი ეხმიანება "აფხაზეთის დღეს", რომელიც 23 მაისს აღინიშნება და განცხადებას ავრცელებს.
პრემიერ-მინისტრის განცხადებით, ქართველებისა და აფხაზების საერთო მომავალს ალტერნატივა არ გააჩნია.
"სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის ლოცვა-კურთხევით, საქართველოში 23 მაისს აფხაზეთობას აღვნიშნავთ. მინდა მივულოცო ეს დღე მთელ საქართველოს, განსაკუთრებით კი - ჩვენს აფხაზ დებსა და ძმებს!
აფხაზეთი საქართველოს განუყოფელი ნაწილია, ქართველებისა და აფხაზების საერთო მომავალს ალტერნატივა არ გააჩნია.
მშვიდობა, განვითარება და ევროპული მომავალი, დარწმუნებული ვარ, გახდება იმის წინაპირობა, რომ ჩვენ, ჩვენს აფხაზ თანამოქალაქეებთან ერთად, ვიცხოვრებთ ერთიან, ძლიერ საქართველოში", - აცხადებს ირაკლი ღარიბაშვილი.
