ისრაელის უსაფრთხოების კაბინეტმა მხარი დაუჭირა ცეცხლის შეწყვეტას მოძრაობა "ჰამასის" წინააღმდეგ. ინფორმაციას ადგილბრივი მედია ავრცელებს.
გამოცემის ინფორმაციით, უსაფრთხოების კაბინეტის შეკრება, სადაც ცეცხლის შეწყვეტას განიხილავდნენ, 3 საათს გაგრძელდა.
უსაფრთხოების კაბინეტის გადაწყვეტილებით, ცეცხლს ცალმხრივად ადგილობრივი დროით 02:00 საათზე შეწყვეტენ.
მანამდე იუწყებოდნენ, რომ "ჰამასის" მეთაურებმაც თანხმობა განაცხადეს ცეცხლის შეწყვეტის შესახებ.
ისრაელისა და ღაზას სექტორის საზღვარზე ვითარება 10 მაისს დაიძაბა. ესკალაციის განახლებიდან ისრაელის ტერიტორიაზე ღაზის სექტორიდან გაშვებულია 4 ათასამდე რაკეტა. მათი უმეტესობა ისრაელის თავდაცვის სისტემა „რკინის გუმბათმა“ გაანეიტრალა. ბოლო ინფორმაციით, ღაზაში დაიღუპა 220 ადამიანი, ისრაელში კი ღაზას სექტორიდან ნასროლ რაკეტებს 12 ადამიანი ემსხვერპლა.
