ალერგოლოგ-იმუნოლოგი ბიძინა კულუმბეგოვი "დღის კურიერის" ეთერში აცხადებს, რომ ქვეყანამ ვაქცინაციის დიდი დოზები აუცილებლად უნდა მიიღოს.
"ვაქცინაცია არის ერთადერთი გადარჩენის გზა. აუცილებლად ბევრი ვაქცინა გვჭირდება ამისთვის. დღეს არსებული რესურსებით ეს პერსპექტივა ბუნდოვანია. დღეს საქართველოსთვის განკუთვნილი მილიონი დოზა ფაიზერის კონტრაქტის არსებობა ძალიან დამაიმედებელია.
დღეში მინიმუმ 10 000 ადამიანი უნდა იცრებოდეს ეს იქნება საუკეთესო. ამით რაც გვაქვს ამის მიღწევა ძალიან გაგვიჭირდება.
ბუნდოვანი პერსპექტივა ვახსენე, ვაქცინების მიღება გლობალურ პანდემიაზეა დამოკიდებული, მაგრამ მინდა ვირწმუნო, რომ ყველა ის შეთანხმება რაც იარსებებს იქნება დროში შესრულებული.
ჩვენთვის სასიცოცხლოდ მნიშვნელოვანია, დროში გაწერილად მივიღოთ ვაქცინები,"-აღნიშნა ბიძინა კულუმბეგოვმა.
"დღის კურიერის" ეთერში კულუმბეგოვი რეგისტრაციის სისტემის ტექნიკურ ხარვეზებზე საუბრობს.
"მსგავსი ტიპის სისტემების ამუშავება უპრობლემოდ სასიცოცხლოდ მნიშვნელოვანია. რეგიონებში ადამიანებს უნდა შეეძლოთ მიადგეს პოლიკლინიკებს და დადგნენ ცოცხალ რიგში. აუცილებლად უნდა იყოს იქ ერთი ადამიანი ტრენირებული, რომელიც მოახდენს ადამიანების მობილიზებას”, - აღნიშნა ბიძინა კულუმბეგოვმა.
