შს მინისტრი დმანისში ჩავიდა, სადაც ცოტა ხნის წინ, ადგილობრივი მოსახლეობის გარკვეული ჯგუფები ერთმანეთს დაუპირისპირდნენ.
როგორც ვახტანგ გომელაურმა განაცხადა, ისინი არ დაუშვებენ, რომ აღნიშნული კონფლიქტი ეთნიკურ დაპირისპირებაში გადაიზარდოს.
„ეს არის ძალიან ცუდი ფაქტი, არ მინდა ვახსენო ძალები და ჯგუფები, ეთნიკურ დაპირისპირებაში გადაყვანის თემა. ეთნიკურად აზერბაიჯანელები, ქართველები ჩვენი მოქალაქეები არიან, ერთად ცხოვრობენ საუკუნეების მანძილზე, ჩვენი ძმები არიან ყველანი. ეს თემა არ უნდა გადაიზარდოს ეთნიკურ დაპირისპირებაში. გამოძიება დაწყებულია, გამოკითხვა მიმდინარეობს ახლა და ჯერ დაკავებას ვერ დაგიდასტურებთ, რადგან გამოძიება მიმდინარეობს“, - განაცხადა გომელაურმა.
