"ცნობილია ჩემი პოზიცია, რომ ჩვენ, რა თქმა უნდა, არ უნდა შევიდეთ არალეგიტიმურ პარლამენტში", - აცხადებს ერთიანი ნაციონალური მოძრაობის წარმომადგენელი გია ბარამიძე.
მისი განმარტებით, ეს პარლამენტი არალეგიტიმური იყო 2020-ის არჩევნების შემდეგ და არალეგიტიმური იყო მთელი ამ 6 თვის განმავლობაში.
"რამდენიმე მცირე პარტია, ზოგიერთი მათგანი, შეიძლება, საპატივცემულო იყოს, მცდარად შევიდა ამ პარლამენტში, რაღაც იმედებით, მათი სუბიექტური მოსაზრებებით. ამით, ეს პარლამენტი ლეგიტიმური ვერ გახდება, უფრო მეტიც, ნაციონალური მოძრაობა, რომ შევიდეს, ამით ლეგიტიმური მაინც ვერ გახდება იმიტომ, რომ ლეგიტიმაცია არაა დამოკიდებული მრავალპარტიულობა-ერთპარტიულობაზე. ლეგიტიმაცია მოდის ხალხის ნებაზე. ხალხის ნებიდან გამომდინარე უმრავლესობაში არ უნდა იყოს ქართული ოცნება", - განმარტავს გია ბარამიძე.
