- საზოგადოება 12 მაისი 2021, 17:18
გარემოსდაცვითი ზედამხედველობის დეპარტამენტმა სახერხი საამქროს ტექნიკური რეგლამენტის დარღვევის ფაქტი გამოავლინა
გარემოსდაცვითი ზედამხედველობის დეპარტამენტის აღმოსავლეთის რეგიონული სამმართველოს თანამშრომლებმა სახერხი საამქროს ტექნიკური რეგლამენტის დარღვევის ფაქტი გამოავლინეს.
გორის მუნიციპალიტეტში რეგისტრირებულ სახერხ საამქროში, ელექტრონული ჟურნალის მიხედვით 132 მ3 სხვადასხვა სახეობის პირველადი გადამუშავების პროდუქტი უნდა ყოფილიყო განთავსებული, ხოლო ადგილზე 19 მ3 დაფიქსირდა.
სახერხის ტერიტორიაზე არ იყო სათავსო ბუნკერი, ხოლო ღობე მოშლილი იყო. შედგა შესაბამისი ოქმი.
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2021 წლის 01 აპრილიდან 30 აპრილის ჩათვლით, სახერხი საამქროს ტექნიკური რეგლამენტის დარღვევის 54 ფაქტი დაფიქსირდა. ასევე ამოღებულია 13 ერთეული არარეგისტრირებული სახერხი.
