„საქართველოს იუსტიციის სამინისტრო მრავალ წარმატებულ პროექტს ახორციელებს ევროპის კავშირთან ერთად. ამისთვის, მინდა, დიდი მადლობა გადავუხადო საქართველოში ევროკავშირის წარმომადგენლობას და ელჩს - ბატონ კარლ ჰარცელს. ასევე, მინდა, ევროპის დღე მივულოცო ჩვენს ევროპელ მეგობრებს“, - აცხადებს იუსტიციის მინისტრი, რატი ბრეგაძე ევროპის დღესთან დაკავშირებულ მიმართვაში.
მისივე განცხადებით, საქართველოსა და ევროკავშირის სტრაგეგიული პარტნიორობა მოქალაქეებისთვის არაერთი სიკეთის მომტანია.
„მშვიდობასა და განვითარების ორიენტირებულმა ევროპული ერთიანობის იდეამ მრავალ მილიონ ადამიანს მოუტანა თავისუფლება, სამართლიანობა და კეთილდღეობა. საქართველო და ევროკავშირი სტრატეგიული პარტნიორები არიან“, - აღნიშნავს იუსტიციის მინისტრი.
იუსტიციის სამინისტრო ევროპის დღეს დასავლელ პარტნიორებთან ერთად აღნიშნავს. საგანგებოდ ამ დღისთვის, ევროკავშირის დროშის ფერებში განათდება გორის იუსტიციის სახლი, მომდევნო დღეების განმავლობაში კი, იუსტიციის სახლის თანამშრომლები მომხმარებლებს ევროკავშირის დროშის გამოსახულების პირბადეებით მოემსახურებიან.