საწოლფონდების მობილიზება იმისდა მიხედვით მოხდება, როგორი იქნება ქვეყანაში ეპიდემიოლოგიური ვითარება, - განაცხადა ინფექციური საავადმყოფოს სამედიცინო დირექტორმა. მარინა ეზუგბაიას განცხადებით, ინფექციურ საავადმყოფოში თითქმის ყველა საწოლი დაკავებულია.
"მესამე ტალღა უკვე დაწყებულია, ჯანდაცვის სისტემა და ჩვენი კლინიკაც უკვე მზად არის ამ საქმიანობისთვის. იმისდა მიხედვით, როგორი იქნება მატება, საწოლფონდიც შესაბამისად იქნება ალბათ მობილიზებული. ამ ეტაპზე ჩვენთან ყოველი საწოლი ყოველდღე დაკავებულია, უბრალოდ „ტრიაჟი“ ხდება, რაც ნიშნავს, რომ გაწერილი პაციენტების ადგილებს დღის განმავლობაში ახალი პაციენტები იკავებენ და ეს მუდმივი პროცესია. ცენტრიდან დაახლოებით 10-12 პაციენტი ყოველდღიურად ეწერება და ყოველდღიურად 10-12 პაციენტი შემოდის", - განაცხადა ეზუგბაიამ.