ბულგარეთის რესპუბლიკაში საგანგებო ეპიდემიური მდგომარეობა გახანგრძლივდა 2021 წლის 31 მაისამდე. ჯანდაცვის მინისტრის ბრძანების თანახმად, 2021 წლის 1 მაისიდან 31 მაისის ჩათვლით პერიოდში, საქართველოს მოქალაქეებს შეუძლიათ ბულგარეთის რესპუბლიკის ტერიტორიაზე შემოსვლა, თუ კი წარმოადგენენ შემდეგი საბუთებიდან ერთ-ერთს:
სრული ვაქცინაციის დამადასტურებელ სერტიფიკატს, იმ პირობით, რომ მეორე დოზის მიღებიდან გასულია არანაკლებ 14 დღისა;
იმ პირებს, რომლებმაც გადაიტანეს კოვიდი ბოლო 180 დღის განმავლობაში, შეუძლიათ, წარმოადგინონ ინფექციის დამადასტურებელი ტესტი (დადებითი PCR ტესტი), იმ პირობით, რომ ინფექციის დაფიქსირებიდან გასულია არანაკლებ 15 დღე;
ბოლო 72 საათის განმავლობაში გაკეთებული PCR ტესტი უარყოფითი შედეგით.
ბულგარეთის რესპუბლიკის ტერიტორიის ტრანზიტულად გავლის შემთხვევაში, აღნიშნული დოკუმენტების წარმოდგენა არ არის სავალდებულო.
ინდოეთიდან, ბანგლადეშიდან, ბრაზილიიდან და აფრიკის ქვეყნებიდან (გარდა ეგვიპტის, ალჟირის, ტუნისის, მაროკოს, მალის, ნიგერის, ჩადის, სუდანის, ერითრიას, ეთიოპიის, სომალის, ცენტრალური აფრიკული რესპუბლიკის, გაბონის, კონგოს, ნიგერიის, ბენინის, ტოგოს, კოტ დ'ივუარის, ლიბერიის, სიერა ლეონეს, გამბიის, სენეგალის, ბურკინა ფასოს, სამხრეთ სუდანის, გვინეის, გვინეა ბისაუს და მადაგასკარის) მომავალი პირებისთვის ბულგარეთის რესპუბლიკაში შემოსვლა აკრძალულია.
თურქეთის რესპუბლიკაში შესასვლელად, საქართველოს მოქალაქეებმა წინასწარ უნდა შეავსონ ონლაინ განაცხადი შემდეგ ბმულზე:
https://register.health.gov.tr/...
ქალაქის გრაფაში უნდა ჩაწერით: ართვინი, ხოლო მისამართის გრაფაში - ხოფა-სარფი.
