კორონავირუსის შემთხვევების გამო, ბათუმის მესამე სკოლა დროებით დაიხურა. აჭარის საზოგადოებრივი მაუწყებლის ინფორმაციით, ვირუსი დაუდასტურდა სკოლის ადმინისტრაციის თანამშრომელსა და ორ პედაგოგს. მანამდე კი კორონავირუსი რამდენიმე მოსწავლეს ჰქონდა.
ეპიდემიოლოგების რეკომენდაციით არდადეგებამდე დარჩენილ დღეებში მოსწავლეები დისტანციურ რეჟიმში ისწავლიან.
რესურსცენტრის უფროსის ინფორმაციით, ბათუმში დაიხურა კერძო სკოლა ''გიმნაზია 21-ე საუკუნეც''.
ორი სასწავლო დაწესებულება კი, რომლებიც ამ დრომდე დახურული იყო გაიხსნა და მოსწავლეები საკლასო ოთახებში განაგრძობენ სწავლას. ბათუმის მეორე და 28-ე სკოლებმა მუშაობა დღეს განაახლეს.
