27 აპრილს ქვეყანა კორეიდან სწრაფ ტესტებს მიიღებს. ჯანდაცვის მინისტრის განმარტებით, ტესტების მარაგების შევსება ეტაპობრივად მიმდინარეობს.
„ყოველდღიურ რეჟიმში ვტესტავთ 27-დან 30 ათასამდე ჩვენს მოქალაქეს და ეს პროცესი შეუფერხებლად გაგრძელდება. 27-ში ჩვენ კორეიდან ველოდებით დამატებით ტვირთს სწრაფ ტესტებთან მიმართებაში, რომელიც ჩამოვა მილიონის ოდენობით, შემდეგი ტვირთი ჩამოვა ცოტა მოგვიანებით, ნახევარი მილიონის ოდენობით, დღეს ქვეყანაში კიდევ არის 40 ათასი პისიარ ტესტი, რომელიც არის საკმარისი, რათა ის მოცულობა ტესტების, რომელსაც დაავადებათა კონტროლის ცენტრი ატარებს ეპიდსიტუაციის გათვალისწინებით სრულად იყოს უზრუნველყოფილი ჩვენი მოქალაქეებისთვის“, – განაცხადა ჯანდაცვის მინისტრმა ეკატერინე ტიკარაძემ.
