ქვეყანაში COVID-19-ის ახალი შემთხვევების რაოდენობის ზრდის ფონზე ჰოსპიტალურ სექტორზე მიმართვიანობა გაიზარდა. საქართველოს ჯანდაცვის მინისტრის მოადგილის თამარ გაბუნიას განცხადებით, გამოიკვეთა კოვიდსასტუმროების დამატების საჭიროებაც როგორც თბილისში, ისე ბათუმსა და ქუთაისში.
„გაიზარდა დაწოლა ჰოსპიტალურ სექტორზეც. 4 400 საწოლიდან 3 600 არის დაკავებული, მათ შორის 500-ზე მეტი პაციენტი იმყოფება ინტენსიური თერაპიის განყოფილებებში, 90-მდე რეანიმაციაში. რა თქმა უნდა, არიან პაციენტები კოვიდსასტუმროებშიც. კოვიდსასტუმროების დამატების საჭიროებაც გამოიკვეთა როგორც თბილისში, ისე ბათუმსა და ქუთაისში. ბინებზეც ონლაინკლინიკები ინტენსიურად მუშაობენ, რათა ბინაზე მყოფი პაციენტების მეთვალყურეობა გაგრძელდეს“ , – აღნიშნა თამარ გაბუნიამ.