ბათუმში წმინდა ნიკოლოზის ტაძრის გაქურდვა სცადეს. აჭარის საზოგადოებრივი მაუწყებლის ინფორმაციით, დაზიანებულია ტაძრის სარკმლის მინა, თუმცა ტაძრიდან, როგორც დეკანოზი სერგი რუხაძე აცხადებს, დაკარგული არაფერი არ არის.
წმინდა ნიკოლოზის ტაძრის წინამძღვარი ამბობს, რომ შემთხვევა 15 აპრილს ღამის საათებში მოხდა. ხმაურზე ტაძრის მიმდებარედ მცხოვრებლები გამოვიდნენ და ფაქტი აღკვეთეს. გამოიძახეს პოლიციაც.
შინაგან საქმეთა სამინისტროს ინფორმაციით, გამოძიება ქურდობის მცდელობის მუხლით დაიწყო. სხვა დეტალები ჯერ უცნობია.
