ყველაფერს ვაკეთებთ ჩვენი თანამშრომლების უსაფრთხოებისთვის, ჩვენთვის, პირველ რიგში, მნიშვნელოვანია, როგორც ჩვენი თანამშრომლების, ისე მომხმარებლების უსაფრთხოება. ამის შესახებ საქართველოს "ჯი-ეიჩ-ენ"-ს "საქართველოს ბანკის" პრესსამსახურში განუცხადეს.
"ნებისმიერ შემთხვევაში, ჩვენთვის, პირველ რიგში, მნიშვნელოვანია, როგორც ჩვენი თანამშრომლების, ისე მომხმარებლების უსაფრთხოება. ჩვენი შესაძლებლობის ფარგლებში, ყველაფერს გავაკეთებთ მათი უსაფრთხოებისთვის", - აცხადებენ "საქართველოს ბანკში".
თბილისში, ავლაბარში მდებარე "საქართველოს ბანკის" ერთ-ერთ ფილიალში, შეიარაღებული პირი შეიჭრა და მძევლები აიყვანა. ადგილზე დიდი რაოდენობით სამართალდამცველია მობილიზებული, მათ პერიმეტრიდან მოქალაქეები გაიყვანეს და ტერიტორია ყვითელი ლენტებით შემოფარგლეს.
პოლიციამ უსაფრთხოების ზომები გააძლიერა და მეტროსადგური ავლაბარი დაკეტილია. სხვა მეტროსადგურები ჩვეულ რეჟიმში განაგრძობენ მუშობას.
