საქართველოში ამერიკის შეერთებული შტატების საელჩო მსოფლიოში ქართული ენის მცოდნე ყველა ადამიანს ულოცავს ქართული ენის დღეს.
დედა ენისდღესთან დაკავშირებით საელჩოს ფეისბუკგვერდზე გამოქვეყნდა ვიდეო, სადაც ელჩი დეგნანი და საელჩოს სხვა თანამშრომლები იოსებ ნონეშვილის და ილია ჭავჭავაძის ლექსების სტრიქონებს კითხულობენ.
საქართველოში 14 აპრილს დედა ენის დღე აღინიშნება. 1978 წლის 14 აპრილს საქართველოს მოსახლეობა ქართული ენის, როგორც სახელმწიფო ენის გაუქმების წინააღმდეგ გამოვიდა. ამ დღეს რუსთაველის გამზირზე თითქმის 100 ათასი ადამიანი შეიკრიბა და პირველად საბჭოთა კავშირის ისტორიაში კომუნისტურმა მთავრობამ უკან დაიხია.
მშვიდობიანი საპროტესტო აქციის მონაწილეეები ხელისუფლებისგან საქართველოში ქართული ენის სახელმწიფო ენად დაკანონებას კატეგორიულად მოითხოვდნენ. მთავრობა იძულებული გახდა საპროტესტო აქციის მონაწილეთა მოთხოვნა დაეკმაყოფილებინა.
მის პირობა მათ საკონსტიტუციო კომისიის თავმჯდომარემ ედუარდ შევარდნაძემ მისცა და ქართული ენა სახელმწიფო ენად გამოცხადდა
