COVID-ინფიცირებული პაციენტებისთვის კლინიკები საწოლფონდის ზრდისთვის მზად არიან, რაც თავის მხრივ ეპიდემიოლოგიურ ვითარებაზე და საჭიროებაზე იქნება დამოკიდებული.
„იმისდა მიხედვით, თუ რა საჭიროება იქნება, კლინიკებში საწოლების დამატების შესაძლებლობა არსებობს, რადგან ამ კლინიკების ნაწილი ფუნქციონირებს ე.წ. ჰიბრიდულ რეჟიმში, ანუ მათ შეუძლიათ მალევე დაუბრუნდნენ საწყის მდგომარეობას კოვიდის მართვასთან მიმართებაში“, - განაცხადა ჯანდაცვის მინისტრის მოადგილემ თამარ გაბუნიამ.
გაბუნიას განმარტებით, დღევანდელი მდგომარეობით ქვეყანაში, კოვიდკლინიკებში 2 333 საწოლია თავისუფალი.
