ნიკა მელიას მამა ანზორ იმედოვნებს, რომ მოსამართლე ამჯერად პირველი გადაწყვეტილების საპირისპირო გადაწყვეტილებას მიიღებს.
როგორც ენმ-ის თავმჯდომარის მამა აცხადებს, ნიკა გირაოს არ გადაიხდის.
"ხალხი დაწყნარდება იმ შემთხვევაში, როდესაც ნიკა გარეთ იქნება. თქვენ იცით რომ მე ექიმი ვარ და უამრავ ავადმყოფს ვიღებ ყოველ დღე . ყველა მადლობას მიხდის ასეთი შვილის გაზრდისთვის. ხალხს ძალიან უყვარს ნიკა და ალბათ მოსამართლე გამოასწორებს თავის პირველ შეცდომას. დაივიწყეთ ეს გირაო, არ გადაიხდის, არ არსებობს გირაო. ნიკას მისჯილი აქვს პატიმრობა, ამას რომ არ იხდიდა მაგიტომ წავიდა შეგნებულად პატიმრობაში”, - განაცხადა ანზორ მელიამ.
შეგახსენებთ, საქალაქო სასამართლოში, "ნაციონალური მოძრაობის" თავმჯდომარის, ბრალდებულ ნიკა მელიას სასამართლო პროცესი ამ წუთებში მიმდინარეობს.
