საქართველოს ფინანსთა მინისტრი ლაშა ხუციშვილი სამინისტროს თანამშრომლის არჩილ ჩაჩანიძის გარდაცვალების გამო მწუხარებას გამოთქვამს.
"ძალიან ვწუხვარ ჩვენი კოლეგის, ბატონი არჩილ ჩაჩანიძის გარდაცვალების გამო. იგი 25 წელზე მეტ ხანს მუშაობდა საქართველოს ფინანსთა სამინისტროს სისტემაში. იყო კარგი ადამიანი, კარგი პროფესიონალი, რომელიც ერთგულად ემსახურებოდა ქვეყანას. 2 მაისს, აღდგომა დღეს, მას 68 წელი შეუსრულდებოდა...
ვუსამძიმრებ მისი ოჯახის წევრებს, ახლობლებს, კოლეგებს", აღნიშნულია მინისტრის სამძიმრის განცხადებაში.
კოლეგის გარდაცვალებაზე მწუხარებას გამოთქვამენ ფინანსთა სამინისტროშიც, სადაც განმარტავენ, რომ არჩილ ჩაჩანიძე სამსახურებრივი მოვალეობის შესრულების დროს შეუძლოდ გახდა და გარდაიცვალა.
"საქართველოს ფინანსთა სამინისტრო ღრმა მწუხარებას გამოთქვამს სახაზინო სამსახურის თანამშრომლის, ბატონი არჩილ ჩაჩანიძის გარდაცვალების გამო და სამძიმარს უცხადებს ოჯახის წევრებსა და ახლობლებს.
არჩილ ჩაჩანიძე დღეს მოულოდნელად, სამსახურებრივი მოვალეობის შესრულების დროს შეუძლოდ გახდა და გარდაიცვალა.
გარდაცვალების მიზეზს ლევან სამხარაულის სახელობის სასამართლო ექსპერტიზის ეროვნული ბიურო დაადგენს", განმარტავენ ფინანსთა სამინისტროში.
