ალერგოლოგ-იმუნოლოგი ბიძინა კულუმბეგოვი აცხადებს, რომ თუ ჩინური ვაქცინა ჯანმოს აკრედიტაციას ვერ მიიღებს, საქართველო მას არ გამოიყენებს.
"ეს არ არის ჩვენთვის სასურველი განცხადება ბუნებრივია, იმიტომ რომ მსოფლიოში ვაქცინების ხელმისაწვდომობა შეზღუდულია. ვაქცინების უზარმაზარი რაოდენობა მოდის რამოდენიმე ქვეყნიდან, მსოფლიოს უდიდეს ნაწილს აქვს ჩინური, ინდური და რუსული ვაქცინები დარჩენილი, ამიტომ ეს ვითარება არის რთული.
მაგრამ აქვე მნიშვნელოვანია ვაქცინას აქვს თუ არა ვაქცინას საერთაშორისო ავტორიტატული ორგანიზაციის ავტორიზაციას. თუ არ იქნება მონაცემები დამაიმედებელი ჯანმოს აკრედიტაციას თუ ვერ მიიღებს ჩვენი ქვეყანა ამ ვაქცინას არ გამოიყენებს,"-აღნიშნა ბიძინა კულუმბეგოვმა.
გუშინ გავრცელდა ინფორმაცია,რომ ჩინეთის დაავადებთა ცენტმა აღიარა, თითქოს ჩინური ვაქცინების არაეფექტურია. ჩინეთის დაავადებთა კონტროლის ცენტი ირწმუნება, რომ მათ განცხადებას არასწორი ინტერპრეტაცია მოჰყვა, რეალურად კი საუბარი იყო იმაზე, რომ მეცნიერები ვაქცინის ეფექტურობის გასაუმჯობესებლად მუშაობენ და ეს არ ნიშნავს იმას რომ ვაქცინა ინფექციის საწინააღმდეგოდ გამოუსადეგარია.
ჩინური ვაქცინა საქართველოშია, საქართველოს ჯანდაცვის სამინისტრო ჯანმრთელობის მსოფლიო ორგანიზაციის დასტურს ელოდება, რომ მისი გამოყენება დაიწყოს.