#14 პენიტენციურ დაწესებულებაში მსჯავრდებულებისთვის მუზეუმის ტური ჩატარდა. ამჯერად, მორიგი ონლაინ ჩართვა ეროვნულ მუზეუმთან თანამშრომლობით შედგა.
ეროვნული მუზეუმის ონლაინ ტურის ფარგლებში, მსჯავრდებულები შუა საუკენეების ხელოვნებას გაეცნენ. მათ ფრესკული მხატვრობის, ხატწერის, დამწერლობის ისტორიისა და ხელნაწერი წიგნების შექმნის ტექნოლოგიის შესახებ საინტერესო ინფორმაცია მიიღეს.
მსჯავრდებულთა პროფესიული მომზადებისა და გადამზადების ცენტრი მსგავს ინიციატივას მესამედ ახორციელებს. მსჯავრდებულებში ხელოვნებისა და კულტურის მიმართ ინტერესის გაზრდის მიზნით, ონლაინ ტური ნიკო ბერძენიშვილის სახელობის ქუთაისის სახელმწიფო ისტორიული მუზეუმიდან # 5 და თელავის ისტორიული მუზეუმიდან #16 პენიტენციურ დაწესებულებებში უკვე წარმატებით განხორციელდა.
