ჯანდაცვის სამინისტრო COVID-ვაქცინაციის წინ კვლევების ჩატარების დირექტივას არ გასცემს. ჯამდაცვის მინისტრის მოადგილის თამარ გაბუნიას განმარტებით, აცრის წინ დ-დიმერის ან სხვა რომელიმე გამოკვლევის ჩატარება საჭირო არ არის, თუმცა განსაკუთრებული მდგომარეობის დროს, პაციენტის მიმართ რჩევაა, რომ კონსულტაცია მკურნალ ექიმთან გაიარონ.
„აცრის წინ არანაირი გამოკვლევის ჩატარება არც ერთი პროტოკოლით რეკომენდებული არ არის, თუმცა თუ არის რაიმე განსაკუთრებული მდგომარეობა, თუ არის მიმდინარე სერიოზული დაავადება ან მედიკამენტური მკურნალობა, პაციენტს ვურჩევთ კონსულტაცია გაიაროს თავის მკურნალ ექიმთან. რუტინულად ან დ-დიმერის ან რომელიმე სხვა გამოკვლევის ჩატარება ვაქცინაციის წინ არ არის საჭირო“, – განაცხადა თამარ გაბუნიამ.