საქართველოში "ასტრაზენეკას" ვაქცინით 55+ ასაკის მოსახლეობა აიცრება. ამის შესახებ ჯანდაცვის მინისტრის მოადგილე თამარ გაბუნიამ განაცხადა.
გაბუნიას განცხადებით, ქვეყანაში ასტრაზენეკას ვაქცინის შემოტანა კვლავ გაგრძელდება, რადგან 55 წლის ზემოთ ასაკობრივი ჯგუფი საკმაოდ ფართოა და დოზების დღეს არსებული მარაგი საკმაოდ მცირეა.
"ექსპერტების საბჭომ იმსჯელა და გაუწია რეკომენდაცია „ასტრაზენეკათი“ ვაქცინაციის გაგრძელებას 55 წლის ზემოთ ასაკობრივ ჯგუფში, იქნება ეს მაღალი რისკის, თუ ნებისმიერი სხვა ჯგუფი", - აღნიშნა გაბუნიამ.
საქართველოში ვაქცინაცია მიმდინარეობს AstraZeneca-ს და Pfizer-ის პრეპარატებით. უახლოეს მომავალში იგეგმება ჩინური "სინოფარმის" პრეპარატის გამოყენებაც.