ზუგდიდის მუნიციპალიტეტის სოფელ ორსანტიაში, მდინარე ენგურის სანაპიროზე იპოვეს მეოთხე გარდაცვლილი მოქალაქის ცხედარი. ინფორმაციას მისი ნათესავები ავრცელებენ.
საქართველოს მიერ კონტროლირებად ტერიტორიაზე სამძებრო სამუშაოები დილიდან მიმდინარეობდა.
მანამდე მდინარე ენგურმა სამი ცხედარი სოფელ შამგონასთან გამორიყა.
გარდაცვლილები ოკუპირებული გალის რაიონის სოფელ წარჩეს მკვიდრები იყვნენ. ოჯახის ახლობლების ინფორმაციით, მოქალაქეები, მდინარე ენგურის გავლით ცდილობდნენ საქართველოს კონტროლირებად ტერიტორიაზე გადმოსვლას, რა დროსაც მდინარე ადიდდა და დინებამ გაიტაცა.